【那些年】陪伴我們成長的麥當勞

細細個叫爸爸媽媽帶你去麥當勞、玩急口令送可樂/獎狀/玩具(視乎你係咩年代嘅人)、喺麥當勞溫書,都係你、我、她、他都一定做過嘅事。隨住板燒雞腿包、至尊漢堡同足三両下架,不如一齊回顧下那些年...陪伴我哋成長嘅麥當勞喇!

「麥當勞」、「老麥」、「麥記/M記」、「M記等」,呢啲字你一定有講過。細細個叫爸爸媽媽帶你去麥當勞、玩急口令送可樂/獎狀/玩具(視乎你係咩年代嘅人)、喺麥當勞溫書,都係你、我、她、他都一定做過嘅事。隨住板燒雞腿包、至尊漢堡同足三両下架,不如一齊回顧下那些年...陪伴我哋成長嘅麥當勞喇! 

# 外型設計

雖然唔少麥當勞都開設喺各大商場,不過香港都有超有特色嘅「屋仔」麥當勞。雖然2015年太和邨嘅「藍屋」設計已經翻新咗,不過沙田廣源邨嘅「紅磚屋」依舊保存,「屋仔」設計特別,「紅屋頂」設計係唔少外國麥當勞嘅標誌,而家幾乎全部變成單調又四方嘅黑白灰啡設計......

 
(左圖:沙田廣源邨麥當勞 右圖:太和邨翻新前麥當勞)

 

# 內部佈置

以前嘅麥當勞,又點會只係得枱枱凳凳呢? 蘋果樹、漢堡包凳、許願井、火車卡位,都係童年嘅回憶♥♥♥ (住沙田嘅小編,細個最鐘意坐蘋果樹下面嘅位) 而家嘅麥當勞,有幾可仲有咁得意嘅設計...好多都得返四四方方嘅枱:(


(左上:沙田新城市麥當勞(已結業) 左下:杏花邨麥當勞(已結業) 右圖:蘋果樹(最後一棵蘋果樹位於大埔廣福道)

 

# 漢堡包款式/價錢

見到以前餐紙嘅款式同價錢,再諗起今日有三款包要下架,不禁有啲唏噓~


(80年代麥當勞墊餐紙)

 

# 開心樂園餐

紅色屋仔再加代表性嘅「M」字,有邊個小朋友細個唔鐘意開心樂園餐,而且仲有玩具送!

不過近年麥當勞換咗開心樂園餐個紙盒,好似係新嘅代表人物叫Happy...(佢肯定係Happy? 佢個樣令到唔少人好不安啵,仲有惡搞版添~)

 

# 玩具

無論係麥當勞自家出嘅玩具,定係換領Hello Kitty同Snoopy公仔,當時唔少香港人都係瘋狂換領,之前喺太古舉辦嘅懷舊玩具展就勾起唔少香港人嘅回憶。以前嘅麥當勞食品系列玩具、火箭系列玩具、可口可樂杯(係麥當勞聖誕特別版)都好得意,其實出返漢堡神偷、滑嘟嘟嘅公仔都好吸引,唔使成日出其他電影人物或者公仔。

 

# 急口令

唔好答我你無聽過「雙層牛肉巨無霸,醬汁洋蔥夾青瓜,芝士生菜加芝麻,人人食過笑哈哈」,五/六秒講晒四句就送可樂/小禮物/獎狀/玩具,小編細細個都好鐘意對住麥當勞姐姐講急口令,童年回憶啊~

 
DMC Firewall is developed by Dean Marshall Consultancy Ltd