最近日本推出咗好多奇怪口味嘅杯麵，例如有綠茶同朱古力味，吸引咗好多勇士去買嚟試。正當各位勇士仲休息緊時，日本合味道再為大家送上新挑戰，推出「杯麵飯」！
話說係因為好多人食完杯麵都唔夠飽，所以日本有一種食法係食完個麵後留返啲湯，再加飯當湯飯食。有見及此，日清就推出呢個有齊麵同飯嘅「杯麵飯」，一次過滿足晒你兩個願望！分別有原味以及雞肉兩種口味。
「杯麵飯」將會分別有原味以及雞肉兩種口味。原味都係配返一般嘅合味道麵杯配料，例如蝦、炒蛋粒、豬肉粒，將會於3月27日推出。
雞肉味會於4月17日推出。呢個「杯麵飯」聲稱味道係似炒麵，配料包括碎蛋、蒸雞肉粒、蔥。
雖然呢個「極邪惡」嘅「杯麵飯」就係睇到都飽，不過小編都好有興趣買個試下。暫時未知香港有冇得賣，大家想要買可能要靠朋友去日本買或者要搵代購買啦！
圖片來源: juliet24.com, rocketnews24
撰文: Amber
