【發達大計】到底過咗期17年嘅汽水值幾多錢?

Amber So 27 Mar, 2017


一直以嚟,大家對「82年可樂」總係有無窮嘅幻想,好想知究竟係咩味架呢?雖然唔知邊度搵到「82年可樂」,不過日本有網友放咗枝1999年嘅「C.C.Lemon」上拍賣網賣,到底呢枝汽水值幾多錢呢?



日本有位網友有日喺屋企床下底搵到枝過咗期17年嘅「C.C.Lemon」,雖然呢位賣家自稱好鍾意飲「C.C.Lemon」,但佢面對住呢枝佳釀卻完全冇打開樽蓋嘅勇氣,故此佢希望可以喺拍賣網為呢枝佳釀搵到識欣賞嘅勇士。


相信大家喺香港便利店都見過檸檬味汽水「C.C.Lemon」嘅真身,不過從圖中所見呢枝「C.C.Lemon」喺賣家床下底經過17年嘅洗禮後,係變咗黑 色 !!!



從呢位賣家嘅開價可見呢枝嘢有幾珍貴,咁係幾錢呢?係170,000円,對返港幣係約$11710。賣家同時表示唔建議飲用,「如有任何問題本人恕不負責」。



今次機會嚟啦飛雲!有興趣嘅朋友不妨留意下。99年嘅汽水真係可遇不可求架,襯未有人落bid,勇士們快啲買佢返屋企同朋友分享啦!與此同時,小編都放返罐可樂落床下底先,話唔定十幾廿年後....(奸笑)


圖片來源: japhub.com


撰文: Amber


【估你唔到咁靚】妙用汽水蓋 吧枱裝飾DIY


Pancake 迷有福了! 日本推出Pancake 主題溫泉?

聯 絡 我 們