【人生勝利組】學識炒股五大TIPS 有樓有錢途不是夢

Rachel Kwok 31 Mar, 2017


如果你覺得炒股呢樣嘢係成熟人士嘅專利,咁少年你就真係太年輕了!其實學識炒股又炒得叻,隨時老一輩嘅人都要拜你為師,就等小編比啲炒股貼士你啦~


1. 評估個人心臟健康

正所謂「投資涉及風險」,如果準備投身炒股行列,記得首要去做返個body check。如果你平時連跳樓機,過山車都唔敢玩嘅話,你就真係唔好瞓身搵命搏,乖乖地買藍籌好喇~陣間個市一跌,喺新聞見到你就唔好啦。


2. 睇多啲財經新聞

金融市場就好似天氣一樣不似預期,要做一個專業炒股家,一定要知道個市嘅最新消息,時時留意住財經新聞是常識吧!呢個網就幾乎有齊最新嘅市況走勢,值得參考一下!
傳送門: http://www.finet.hk/


3. 睇財經節目聽專家意見

小編其實都係炒股初哥,但係朝朝都要返工又點會得閒睇果啲創X坊吖,所以一開始都係喺YouTube度搵啲財經節目嚟睇,聽下啲專家分析教路。大家去睇多啲,真係「我今日學到好多嘢」架!








{youtube}CVpmsw0TRYA{/youtube}


上面條片就講下笑姐,以下呢條真係認真推介~








{youtube}7lP6l2dT1GA{/youtube}


4. 參考「港股一百強」無得輸

咁多隻股票,點揀啊?不過呢,市場上都有啲指標嘅。例如呢個「港股100強」,就幫大家精選出一百隻高質股,大家不妨參考吓,好似話下個月18號就會有新一屆百強結果出爐添~
傳送門: http://www.top100hk.com/


5. 運氣程度定輸贏

睇完咁多財經資訊,最緊要嘅就緊係要睇埋自己流年運程!無運行嘅你買咩都係死路一條,所以犯太歲嘅話不如真係忍一忍,明年再戰江湖,你知啦,你咁黑會踩冧我個市架嘛!


最後小編送返首歌比大家,記得炒股前要停一停諗一諗啊!








{youtube}lpQtVIKLqZo{/youtube}

*投資者應明瞭所有投資均涉及風險,投資產品之價格 可升可跌,甚至變成毫無價值。


圖片來源: 網上

聯 絡 我 們