我諗唔洗上性教育堂，大家都知精子有咩用，但除咗用途外，大家對精子仲有咩認識？
1. 精子可以生存好耐
好多人都以為精子一接觸到空氣就會死亡，但其實佢喺接觸到空氣後，仲可以存在多5日左右架～所以下次唔好以為體外射精就無問題啦～
2. 精子存活喺凍嘅環境
呢樣應該大部分人都知道，捐精後啲精子都要存放喺冷凍庫入面保存。咁喺人體入面又點保存架呢？原來為咗製造健康、強壯嘅精子，男性嘅睪丸必須保持喺比體溫低７度嘅溫度先可以架～
3.每一發精液入面只有好少係精子
原來精液入面只有大概5%係精子，剩餘嘅部分就係大量嘅營養物質同其他保護精子嘅化學物質，以幫助精子成功到達卵子～咁豐富嘅營養成份，唔怪得之精液可以換膚啦～
4. 精液嘅味道取決於男人嘅飲食
聽就聽得多啦，但要食啲咩精液先會比較好味呢？如果你另一半成日食紅肉、乳製品、洋蔥、大蒜、咖啡同比較濃味嘅嘢，咁就祝君好運啦～但如果另一半鐘意食蔬果，唔食煙飲酒，保持喺健康嘅體重同有規律運動，咁就正啦～其實即係一句講哂，身體好就精液好味啲囉！
5. 精子嘅方向感其實唔太好
睇性教育動畫個陣，成日都見到成堆精子向住同一個方向前進，但原來現實唔係咁架～事實上只有大概20%嘅精子知道自己要去邊，佢地仲要好多都行唔到直線，只係不停咁原地轉圈，所以精子見到卵子真係好難得架～
生活上其實有好多冷知識都好有趣，唔知大家有冇其他冷知識可以分享俾小編知呢～
圖片來源 : 網上
撰者 : Kinnie
