唔想下個係你?航空公司超賣機位規定你要知

Amber So 11 Apr, 2017


日前美國聯合航空公司機位超賣,乘客受傷被強行拖落機,引發全球關注超賣機位問題。其實航空公司機位超賣已經成為航空業常態。到底有咩要注意?遇到時又要點處理?



點解要超賣?
因為航空公司會假設部份乘客到時唔會出現,為免浪費機位,普遍航空公司都會賣出比本身客機載客量多5-10%。美國航空公司上年就利用「超賣機位」,成功載多4萬乘客,其中仲未包括嗰啲自願放棄機位嘅乘客。而超賣機位最多嘅航空公司係達美航空公司(Delta Air Lines),上一年就有大約13萬乘客放棄佢哋嘅機位。


航空公司發現機位超賣點處理?
當知道機位超賣時,為咗吸引乘客自願放棄機位,航空公司通常會以優惠券、Free Upgrade 或以現金報酬,然後安排自願者搭下一班機或者改搭其他班機。


冇自願者點算?
不過如果真係搵唔到自願者,航空公司絕對「可以」違反乘客意願,唔畀佢哋上機甚至趕佢哋落機,就好似今次聯航事件咁。不過美國聯邦政府規定航空公司必須支付每名乘客費用,而且航空公司同時需要畀受影響乘客書面聲明,解釋乘客可以獲得賠償嘅權利。


邊類人最易被「叮走」?
航空公司通常會「叮走」買最平機票嘅乘客機位,因為賠償金額較平啲。而且有航空公司表示通常都唔會打散家庭乘客,不過同時都唔會針對自己去旅行嘅年輕人。


咩時段最易出現機位超賣?
當然會係繁忙旅行時期,或天氣差、打風時都會出現機位超賣問題。



已經預辦登機就一定上到機?
以為喺屋企預辦咗登機就一定上到機,唔一定架。當地勤人員發現出現超賣時就會將未到乘客嘅機位取消,所以真係唔好等到最後一分鐘先去機場啊!


如何賠償?
賠償差異在於乘客延誤時間嘅長短。



同時可以留意返自己啲旅遊保險條文,如果會有賠償嘅記得問航空公司拎返證明﹐之後問返保險公司索取賠償。


圖片來源 : Internet


撰文 : Amber

聯 絡 我 們