立山黑部開山啦!想去影靚相睇靚景就記住睇下呢篇攻略喇~

" /> 蟻民 Ants Public

立山黑部開山喇!交通全攻略!

Kinnie Cheuk 13 Apr, 2017


立山黑部4月15號就會開山,自由行嘅話要點去先最方便呢?報團嘅又報咩類型團最抵玩呢?


首先送幾張靚相俾大家睇下先,如果覺得靚先再睇攻略都唔遲呀~




kanban_winter_01.jpg


img-slide-spring02.jpg


係咪無介紹錯呢?如果好想去就快啲睇下以下交通攻略喇~


自由行
自由行嘅各位可以選擇喺富山或者信濃大町出發。無論邊個方向出發,都可以搭5種唔同交通工具上山,包括立山登山纜車、高原巴士、無軌電車、架空索道同埋黑部登山纜車。


如果想從富山出發,東京搭北陸新幹線2個幾鐘就可以直達富山;如果喺大阪或者名古屋出發,就要先坐大概3個鐘JR,再轉北陸新幹線先到富山。



如果你想從信濃大町上山,就可以由東京搭北陸新幹線去長野,再轉特急巴士到扇澤。但留意返,扇澤剩係可以買到單程飛,即係扇澤上山,就一家要富山走架喇~而信濃大町就單雙程飛都可以買,所以大家記住諗埋之後行程
先決定邊度上山呀~



去到富山或者信濃大町,其實已經唔洗人教,跟住人潮行就一定無錯。車站指示好清晰,亦會有工作人員隨時解答大家問題,所以去到車站之後就咩都唔洗煩架喇~


報團
如果唔想自己搵車咁麻煩?報團就咩都唔洗煩啦,有專車接送,上車就瞓落車就玩~以下介紹兩種團俾大家。留意返,小編無收廣告費架,都係綜合返網友意見。但始終各人口味唔同,如果報完唔鐘意小編唔負責架~


1. 立山黑部.名古屋入境東京返港.一氣呵成5天


2. 立山黑部•淨土上高地. 白川鄉.兼六園.2晚嚴選溫泉5天


呢兩間旅行社搞日本團都好出色,而且網友對兩個團都一致好評,如果大家真係想報團就不妨考慮下喇~


有啲人可能鐘意去旅行自在啲,但又唔想咁麻煩,咁Local Tour就幫到你喇!


1. 阿爾卑斯山脈路線+白川鄉+高山2日遊(東京出發)


呢類團只係負責你去到日本嘅其中一至兩日,啱晒想自由行又嫌麻煩嘅遊客。佢地仲會提供埋英文或者廣東話導遊,咁就唔識日文都唔洗驚喇~


今年立山黑部嘅開放日子係4月15日去到11月30日,大家記住請定假、買定機票去旅行喇~


 


圖片來源:立山黑部官方網頁


撰者:Kinnie


 

聯 絡 我 們