【喊出嚟】幾千蚊買Yeezy 網友收到崩潰問:是咪同一對?

Amber So 19 Apr, 2017


要數到近年最hit 同最難買嘅波鞋款一定係由美國饒舌歌手Kanye West 同Adidas 聯名推出嘅Yeezy Boost 啦!每次開賣時全球各地都會排晒大隊,現實中幾乎有錢都買唔到,所以好多鞋迷都會上網買。



泰國網友Max Hoang Trinh 有日上網見到有人賣呢對原價大概2000港幣嘅Adidas Yeezy Boost 350 Turtle Dove,就好衝動咁畀咗750美金(港幣約$5830)買。佢都知呢對鞋網上一定有好多假貨,心諗今次畀貴啲用炒價買實冇死啦!今次啲女一定畀我溝晒啦,今舖FATFAT啦!



點知,少年佢太年輕啦。當呢位網友收到貨滿心歡喜咁開箱後,佢完全崩潰!佢收到嘅竟然係一對棉拖鞋!就算係假,都假得有啲誠意吖,呢對嘢衰過A貨啊!嗚啊!!!



著到上腳更加出事。



假得咁冇誠意真係笑死好多網友!有網友笑言Trinh 可以當呢對官方冇出嘅「特別版」家居保暖拖鞋著,唔好嘥吖嘛。不過留意番,呢位係泰國網友,保暖應該唔太岩用喎。



呢個故事就教訓大家上網買嘢有時真係難分真與假,無論平定貴畀錢前要睇清楚,小心為上!


圖片來源:Max Hoang Trinh、Symbios


撰文:Amber

聯 絡 我 們