最近有一個新名詞「照騙」，意指喺網上以照片欺騙人，相裡面個樣P到靚一靚，同真人完全唔同，所以而家好多人都話「有圖都未為真」！內地有位P 圖高手，只要經過佢p過，路人變明星不是夢啊！
而家好多人post自拍前都會執一執先，本人同照片一定有落差架喇！內地有位名叫「kanahoooo」嘅P圖高手會免費幫大家大變身，所以佢每日都會收到成千上萬條投稿。雖然佢同大家一樣都係用電話app執相，不過佢擁有神一般嘅技術，每次分享投稿前後對比照都會嚇大家一跳！只要佢P 過，人人都係男神女神！
由於佢堅持唔收費，純粹想同大家分享技術，所以每日都有好多人搵佢幫手！不過一個人一對手，佢自己冇辦法幫每個人都處理。
竟然可以執到路人執到似歐美風女神，個鼻高咗勁多啊！
當然post呢啲相上網前都有問過當事人意願啦！
瘦咗成個碼！
有啲人仲會講明想執到似咩位明星，而呢位就應該係f(x)嘅krystal喇......
都有唔少男仔sd圖搵大神架！呢位油頭大叔經過高手P圖後，成功化身小鮮肉！
男人變女神唔難啫，仲有啲似范冰冰添！
好多網友睇完呢位高手嘅大作後都好奇，唔通我哋上網睇到嘅男神女神都係假嘅？不過kanahoooo 表示，好多人嘅執圖能力有限，好多人都係執少少，其實個樣都係差唔多，「要是技術都這麼高超我就不存在了，大家還是要相信這個世界」。
