為食貓貓偷食辣 辣到喊出嚟!

Amber So 25 May, 2017


四川人愛食辣就係人都知架啦!估唔到四川嘅貓都零舍霸氣,偷食都要食辣嘢!話說有網友出po問,如果喺四川領養貓嘅話,應唔應該喺食物中加辣呢?點知po一出,竟然釣到一大班愛食辣嘅貓貓!


有成都嘅網友分享,晚飯時屋企成枱餸唔食,貓貓貓竟然偷食出名辣嘅「小米辣沾醬」,當大家發現時,貓貓已經辣到流晒眼水鼻水。




又有另一位網友表示自己隻貓貓唔小心食錯辣醬後,即時辣到流眼水,雖然好可憐好難受,但又好可愛啊!(誤)





不過,大家都係唔係亂畀食物貓貓食喇,因為正常嚟講大家平時食嘅食物都係唔係太適合貓貓。貓狗對調味料嘅耐受力比人類低好多,經過調味嘅食物都唔適合給貓狗食用,辣嘅食物就更加要避免!


識睇就當然係睇留言啦!網友留言超爆笑,甚至有網友搞笑問:「咁廣東嘅貓係咪要飲早茶啊?」


圖片來源:zhiku
撰文:Amber

聯 絡 我 們