旗袍嘅淵源眾說紛芸，普遍認為旗袍係清人入關後，習染咗漢族女服嘅設計款式，係滿人日常女人所穿嘅日常長袍服演變而來，袖平直寬大，袍身亦都好寬。
傳統婦女服裝設計重點係寬鬆與重疊。寬鬆設計係刻意遮掩女性曲線體態；而層層疊疊嘅衣衫則係要徹底覆蓋女性身體及肌膚。當中體現咗儒家禮教思想，女人唔可以暴露。難怪酷愛裝扮著靚衫嘅張愛玲都話：
「削肩、細腰、平胸，薄而小的標准美女在這一層層衣衫的重壓下失蹤了。她的本身是不存在的，不過是一個衣架子罷了。」
＜更衣記＞，《流言》
未演變成修身嘅旗袍前，女性所穿嘅「旗袍」亦係寬鬆，未有突出腰身。1920年代，旗袍興起，遂漸流行。旗袍開始流行嘅時候，款式同清末滿族婦女嘅衣服差別唔太大。
據說帶起旗袍潮流嘅係上海女學生。當時女學生係知識份子代表，引領社會名流、青樓女子都爭相彷效，旗袍於是逐漸流行。當時嚟講，上海係時尚集中地，非常「摩登」城市，西方新事物首先引入上海，當然包括西方服飾。而當時旗袍亦有分「海派」（上海）同「京派」（北京）。當時旗袍受到西方衣服設計嘅影響，開始變得修身、露臂、長度縮短，同埋有更多款式圖案。
1916年北京培華女中校服。當時教會嘅貴族學校，中式上衣配西式百褶裙。右一是12歲林徽因，攝於1916年。
1927年廣洲嘅校園裏嘅女大學生
中國20年代三女士穿著旗袍合照
1930年代上海女學生
圖左：1934年上海雜誌良友創刊號，封面女郎穿著短袖旗袍。圖右：1939年良友雜誌封面，女人著旗袍係露出上臂。
30年代上海廣告嘅插畫，可見女人穿著短袖旗袍配西式高踭鞋
50年代，香港。50年代穿著旗袍嘅女人係中環。
1966年，香港。1966年一群著旗袍同西式裙嘅香港女人。
資料及圖片來源：互聯網
文：看更
