【電影系列】5套必睇鬼娃娃電影

Kinnie Cheuk 18 Aug, 2017



除咗安娜貝爾之外,其實好多電影都以鬼娃娃做題材,唔知以下5套你對邊套最有興趣呢~


1. 詭娃安娜貝爾:造孽 Annabelle: Creation(2017)



其實講Annabelle嘅電影前後有三套,分別係《厲嬰宅》、《安娜貝爾》同而家上映緊嘅《詭娃安娜貝爾:造孽》,三套嘅故事內容就唔講咁多喇,大家可能仲熟過小編,主要都係圍繞住Annabelle嘅前世今生同佢身邊嘅人點受苦受難。小編覺得今次嘅恐怖氣氛營造得好過上一集,大家有時間記住去睇喇~溫子仁可以話開始咗一個新嘅恐怖片時代,唔知遲啲會唔會再有新一套Annabelle電影呢?



內容簡介:《詭娃安娜貝爾:造孽》講述洋娃娃工匠夫婦的女兒慘死。數年後,夫婦兩人招待了來自經已關閉的孤兒院的修女和幾個女孩到家中。眾人瞬即成為被邪靈附身的恐怖娃娃Annabelle的獵物。








{youtube}EbvBALiuOgI{/youtube}

2. 奪命鬼娃 Dead Silence (2007)



又係溫子仁嘅作品,小編覺得呢套戲視覺上就夠晒恐怖喇,但聽覺就略嫌不足。娃娃造型勁恐怖,仲要成日突然轉動個眼珠,令人不寒而慄。但聽覺上就好易估,因為佢每次大聲之前都會好靜,好似較咗靜音咁,俾晒時間大家做定心理準備。


內容簡介:占美返回家鄉尋找太太離奇死亡的線索,並探望老父及年輕的繼母。對話間令占美想起了「瑪麗素」的可怕傳說:她本是薄有名氣的腹語表演者,於事業顛峰之際無故遇害,所以死後冤魂不散,更利用親手製造的木偶四出殺戮……同樣在尋找真兇的占美,最後竟與她「不期而遇」!一場血腥恐怖的復仇大戰,即將在這個死寂小鎮上演。








{youtube}8b_HVtHmK30{/youtube}

 


3. 鬼娃娃花子(1995)



日本貴為盛產恐怖片嘅國家,當然會有關於鬼娃娃嘅恐怖片喇~呢套戲係改編日本一個源遠流長嘅民間傳說,加上喺一向感覺恐怖嘅學校同廁所拍,就咁有啲聲都嚇死人啊!小編睇完呢套戲唔敢自己一個去廁所,每次照鏡仲好驚會見到啲唔應該見嘅嘢!



內容簡介:11年前,里美的姐姐在學校廁所莫名失踪。11年後,里美作為新生入讀這所學校,她和同學香苗,悅子因好奇毀壞了校內神社的靈符,被靈符鎖住的鬼娃娃花子從此被放了出來。在學校走廊發出喊聲,向裡美等人索命。學校唯有請回從該校畢業,會法術的鹿島老師與花子鬥法,鹿島正是裡美姐姐的好友,11年前目睹裡美姐姐的失踪,因為對舊事的愧疚,她決定與會通靈的柏木君聯手對付花子。花子生前是一個去學校找媽媽的小女孩,因為走錯了學校被人在廁所害死。從此冤魂不散。


4. 娃鬼回魂 Child's Play(1988)



呢個系列已經出咗6集,而第7集如無意外亦會喺今年10月上映,但小編最鐘意都係第一集,簡直係童年回憶啊!Chucky應該係史上最多表情嘅鬼娃娃,其實睇睇下佢都幾可愛啊~



內容簡介:殺人犯-雷在與警方的槍戰中,躲進了一間玩具店,而負傷瀕死的雷施了咒術讓自己的靈魂附生於 "Good-Guy dolls 好人娃娃"身上。之後,它被凱倫買了去當作安迪的生日禮物稱為恰吉,沒想到,卻是惡夢的開始。








{youtube}sjiyV8mtXiU{/youtube}

5. 鬼哭神號 Poltergeist (1982)



呢套恐怖片可以話係經典中嘅經典,小丑個樣勁恐怖,一直都唔明點解可以放佢喺張床度,仲因為咁小編到而家都唔敢同小丑對望!而除咗電影內,電影外亦好恐怖!傳聞因為呢套戲用咗真屍骨而受到詛咒,戲中嘅演員現實都相繼離世,所以幾時都話「現實比電影更恐怖」啊!



內容簡介:最小的女兒卡洛琳 (海瑟奧克露) 半夜醒來,對著都是雜訊的電視機大聲說話,把全家人嚇醒。接著家中不斷發生奇怪事情,讓父親開始感到不安。一個風雨交加的夜晚,突然樹妖抓走哥哥,父母趕去救哥哥,回頭發現卡洛琳不見了這時家人絕望的回到屋內,卻從電視的雜訊中傳來卡洛琳的聲音!為了救回女兒,父母找上大學裡的靈異學教授及她的組員來幫忙救回卡洛琳,教授找來另外一位靈媒來合力救回卡洛琳....。








{youtube}9eZgEKjYJqA{/youtube}

不如搵晚約埋班朋友,嚟返個恐怖片馬拉松,睇下邊個最快頂唔順認輸~


圖片來源:網上
撰者:Kinnie

聯 絡 我 們