喺10月7號，日本靜岡將會開放可提供住宿嘅公園「INN THE PARK」，主打住宿、飲食同自然體驗，「INN THE PARK」本身係比青少年體驗自然活動嘅營地，但停止營運後，再經過改裝，就張佢變成一個可以提供住宿同埋親子同樂嘅地方。
公園中最搶眼必定係新設嘅球體帳篷，大家可以聽住雀仔叫聲，喺比樹木包圍下體驗喺公園內訓覺嘅感覺。另外重有好多親身體驗類嘅活動，例如星空觀察、親自採集野草同山菜然後料理、攝影課程、瑜珈、精油芳療、利用自然材料製作工藝品等。
如果真係住唔慣帳篷，又想一家人住得舒服啲，園區內都有一般樓房比大家揀。
有時去日本去得多唔知做乜好？去玩個兩日一夜都唔錯！
資料及圖片來源：INN THE PARK
撰文：Yanica
