【波鞋】五大保養白色鞋實用Tips

白色波鞋已經成為近年潮流大勢,橫跨幾季都人氣不減,每個人總會有一兩對喺手。白色波鞋簡約百搭,點襯都好睇,不過同時間白色波鞋一整污衊咗就好顯眼,成對鞋立即崩壞,相信好多愛鞋之人都好明白嗰種痛!到底點樣保養先可以延長白色波鞋嘅壽命呢?就等小編教你五大Tips啦!

1. 買咗新鞋當時想即時著出街晒下啦,不過建議大家可以先到波鞋專門店買枝防水防漬噴霧。「新鞋落地」前細心咁噴一層噴霧,為對鞋增添一層保護膜,可以防止水氣或者污漬深入到材質纖維當中,咁大家著出街時行都行得安心啲啦!

Jason Makk -  'Repel' Shoe Protectant Spray

2. 平時就算你幾小心,其實著完出街點都會有啲污漬嘅,可能係塵,係地面嘅污水,所以大家每一次著完出街都要用濕毛巾由上至下,左至右細心咁抹一抹對鞋。如果有啲抹唔甩嘅污漬可以用牙刷沾少少牙膏,輕輕力刷甩污漬。

3. 陽光嘅氧化作用會好容易令到對鞋變黃,所以平時清潔完後或者平時唔著時記得著白色波鞋放喺冇陽光、乾爽嘅地方。

4. 要定時徹底清潔波鞋。(記得要除咗條鞋帶分開洗啊!)清潔嘅方法有好多種,就等小編同大家分享下啦!

- 波鞋清潔劑:坊間有好多專屬波鞋嘅清潔劑,清潔液加小量清水,擦完後再用乾布抹乾即可。


RESHOEVN8R 8OZ AND BRUSH KIT

- 洗衣液+梳打粉+水:如果清潔膠質或布質嘅鞋,可以將少量洗衣液及梳打粉融合後加入清水,然後用牙擦輕力擦乾淨。

- 其實而家香港有好多鞋店設有洗鞋服務,價錢由$150至$500不等,絕對係懶人之選!

5. 緊記!就算幾懶都好,千奇唔好放落洗衣機洗!因為洗衣機極有可能會破壞鞋型,到時換來一對潔淨但唔啱著嘅鞋就無謂啦!

Our website is protected by DMC Firewall!