【唔使削骨還父嘅!】3大方法 輕鬆打造小臉效果

陽光小毒毒 15 Dec, 2016








{youtube}wXmG0tAXLEM{/youtube}

或者唔少人都見過呢段「超強頭髮遮臉術」,淨睇相應該個個都俾呢位大臉肥妹呃左。不過髮型輕輕一轉,話唔定都可以打造小臉效果。


1. 微微曲髮 打造蓬鬆空氣感



韓國女星申敏兒因拍攝《塑身女神》而走紅,劇中佢飾演一位極肥嘅女律師。不過現實中,申敏兒甜美笑容就令佢顯得臉大,而且貼服嘅直髮亦令人集中注意面部。其實,只要輕輕捲曲,打造蓬鬆空氣感,就令面部嘅立體感UP!



無論係臉細或者臉長(好似Kary咁),曲髮都可以略為修飾面部輪廓,加強陰影效果,所以試下輕輕夾曲頭髮,可能好過你狂掃陰影。


2. 六四分界 拒絕all back 



有啲人話,留個額頭出來會令到塊面顯瘦,其實好多事都會出事。就例如陳妍希咁,《那些年》係斜陰清純女孩,《神雕俠侶》就明明係小龍女都變到成個傻姑咁。其實留返平時嘅六四分界已經好靚,最好一面翹耳仔,show返面部線條,簡約得來又有氣質。



美容界網絡紅人Pumpkin Jenn同樣係大臉之人,平時佢最鐘意狠狠咁掃陰影。其實六四分界都會露額,不過長長瀏海可以遮住一邊面,對比之下係咪好大分別呢~


3. 三角形空位 拉長面部



日本女星前田敦子出道以來都十分可愛,特別係佢水汪汪嘅無辜樣。但係點解兩張相都唔似同一個人嘅? 平陰會令面型變圓變短,但只要輕輕一撥成斜陰,細小嘅三角型空位就可以拉長整體面部,塑造小臉效果。



睇返大臉Bella以前同而家嘅相,都可以明顯睇到三角形空位嘅重要性。


其實打造小臉,唔一定要落重陰影,幾個小步驟都可以幫到你,如果你都有小臉技巧,不妨話俾小編知!(小編塊面好似已經去到無得救嘅地步~)


圖片來源:網上
撰文:小毒絲

聯 絡 我 們