【農曆新年】五大精選彩妝品牌 豬年唇上換新妝

William Cheung 04 Feb, 2019


新年新氣象,除咗換髮型換手袋換新衫,唔好漏咗為你嘅雙唇添上新妝,打造令人耳目一新嘅新形象! 小編精選五大彩妝品牌嘅唇部產品,唇膏唇釉都有,仲有試色圖同小編心水推介,快啲揀返枝新唇膏為新春妝容加分!



1. GIORGIO ARMANI - LIP MAGNET (共18色,HK$310)


▼ GIORGIO ARMANI Beauty之前推出嘅LIP MAGNET磁魅啞艷唇釉一共有18色,超鮮艷色tone絕對係新春妝容必備嘅顏色。



▼ 雖然呢款唇釉主打啞緻、霧面嘅妝效,不過佢仍然保留住水感貼服嘅效果,上到咀唔驚現唇紋同死皮! 另外,產品筆尖設計有別於一般唇妝產品,尖形刷頭更易控制,勾勒出完美線條,打造細緻又艷麗嘅妝容。



▼ 之前GIORGIO ARMANI舉辦咗「Lip Magnet彩妝派對」,阿Sa蔡卓妍同Elva倪晨曦都搽咗鮮色唇釉出席活動。鮮色唇妝除咗令膚色顯白化外,更見成熟嫵媚嘅女人味。



▼ 台灣知名美妝Youtuber Catie亦曾經分享過GIORGIO ARMANI Lip Magnet呢個系列嘅18支唇膏試色同分享,而小編就揀咗兩款,第一款係#401(Scarlatto - 調情)大紅鮮色唇妝,最襯新年妝容。(按圖可觀看試色影片)



▼ 第二款#505(Second-skin - 遐想)就係今年大熱嘅豆沙紅色,顯白之餘又有氣質



 


2. Burberry - Liquid Lip Velvet (共14色,HK$258)


▼ Burberry推出嘅絲絨霧彩液體唇膏Liquid Lip Velvet系列主打絲絨質感,而非亮澤唇妝,既保持唇膏顯色度外,又避免乾燥甩色嘅情況。代言人Iris Law唇上嘅莓紅色雖然並非鮮艷,但係令到妝容嘅個性感UP! 



Liquid Lip Velvet系列共14色,當中包括裸色、鮮色以及暗色色調。濃稠嘅唇蜜令用量減少,一抹已經達致超顯色效果,打造個性化唇妝。


/>


▼ 小編精選咗#Peach25同#Bright Plum,前者嘅水蜜桃嫩色可以配搭鮮色衣服,以免全身過於鮮艷而變得俗氣;後者嘅布冧暗紅色就適合女士們打造成熟、個性化妝容。



 


3. Givenchy - Rouge Interdit Vinyl (共16色,HK $275)


▼ Givenchy呢個品牌未必有好多人識,但其實佢嘅唇妝產品真係好靚! 佢哋其中一個唇妝系列"Rouge Interdit Vinyl" (紅唇禁忌亮唇膏)一共16色,內含黑玫瑰精油,既可打造紅唇妝容,又可以保持水潤雙唇。 



▼ 之前娜姐曾經係Instagram上載咗張相,佢用嘅唇膏就係Giverchy Rouge Interdit Vinyl系列嘅#N06 Rose Sulfureux! 官方網站嘅試色圖簡直係靚到爆,顯色之餘又有水嫩雙唇嘅效果!



▼ 除咗#06色之外,小編亦都推薦#16嘅Noir Revelateur黑色馬甲! 唔好以為搽黑色唇膏會變中毒款,其實單搽或者配合其他唇膏,都可以打造水潤雙唇!


▼ 台灣Youtuber Charlie同Gina都曾經分享過Giverchy嘅Rouge Interdit Vinyl唇膏系列,Charlie單搽#16黑色唇膏已經見到有暗莓色嘅效果!(按圖可觀看影片)



▼ 如果好似下圖Gina咁搽咗紅色唇膏後再搽黑色唇膏,就令整體唇妝色調降一度,更顯成熟。 (按圖可觀看影片)



 


4. Laneige - Two Tone Tint Lip Bar (共8色,HK $165)


▼ Laneige Two Tone Tint Lip Bar 全新水潤雙色唇膏狂賣廣告,相信唔少人都聽過! 上年韓國大熱嘅咬唇妝延續至2017年,不過唔少人批評過佢嘅保濕度麻麻,所以新系列強調加入咗保濕科技,打造雙色水潤唇妝~ 



▼ 新系列Two Tone Tint Lip Bar最值得關注嘅係,其中兩款係由韓流女神李聖經親自揀色調配,如果你鐘情於韓風妝容,#3 Tint Mint 同#8 Cherry Milk絕對係今年唔可以錯過嘅唇妝單品!



▼ 除咗李聖經示範過之外,韓國Youtuber듬아亦都做過試色影片,小編就覺得#3 Tint Mint同#5 Apple Jello最靚,容易Carry之餘仲顯好氣色!(按圖可觀看試色影片)



 


5. YSL - VOLUPTÉ TINT-IN-BALM (共12色,HK$520)


▼ 壓軸出場嘅就係YSL嘅VOLUPTÉ TINT-IN-BALM! 12色系列,獨家嘅雙層夾心設計,外層係滋潤護唇精華,內層係透亮嘅粒子,夾心設計打造自然、透亮唇妝! 



▼ 小編就覺得#N1赤裸幻想、#N4桃氣慾望同#N10緋紅情趣最夾新年妝容。#N1嘅裸色唇妝可以配上較為誇張嘅眼妝,而#N10偏暗紫紅色嘅色調就可以令妝容更具血色感。



▼ 日前台灣YSL舉辦咗Party並邀請咗郭雪芙親身體驗呢款唇膏,郭雪芙首推#N4桃紅慾望! 而台灣Youtuber Kelly亦都有做過試色影片,都可以見到YSL雙層夾心唇膏既保持鮮艷唇色,亦有潤澤雙唇嘅水亮效果!(按圖可觀看試色影片)



唇膏絕對係每個妝容嘅靈魂,簡單一枝唇膏已經可以令平平無奇嘅妝容增添生氣。唔知邊枝唇膏會係打造你新春妝容嘅好幫手呢?

聯 絡 我 們