簡單不等於普通!迪士尼粉絲低調美甲指南

Amber So 27 Mar, 2017


人愈大除咗衣著愈嚟愈單調外,連整甲都係。細個總係鍾意整甲整到七彩顏色又好多迪士尼卡通,望到自己啲指甲心情都靚啲。相信好多迪士尼粉絲同小編一樣,除咗因為太花巧返工唔方便外,唔知係咪驚比人笑幼稚,整甲整得愈嚟愈簡單。其實有時好簡單嘅美甲款式都可以好有特色,低調走迪士尼風,即時令個人風格升級!


用3D凝膠畫嘅「針織紋指甲」呢兩年冬天都好受大家喜歡,你又有冇諗過可以用呢啲3D凝膠畫出自己心愛嘅卡通?有3D效果嘅特別又低調。



就算鍾意卡通都唔一定要將個卡通個樣大大個畫喺指甲上嘅!只要搵返專屬嗰個卡通嘅特點同埋顏色,就算款式簡單都有滿滿嘅迪士尼特色。


見到個黃色、玫瑰花同埋個皇冠就知係《美女與野獸》貝兒主題啦!



藍白黃三隻色,仲唔係走水手風嘅唐老鴨!


\


以珍珠色作為主調,再加上海洋風嘅閃石,美人魚Fans可以一試!



用白色剪影畫出灰姑娘、王子以及城堡,就算係童話風也可以走女神氣質路線!



如果想指甲上多啲顏色,不仿嘗試下French Nail加剪影貼子,可愛之餘又唔怕誇張高調。



最近無論日本定香港都好興用金屬線,圈個米奇出嚟唔錯喎,夠晒簡約!



 


圖片來源: Instagram


撰文: Amber

聯 絡 我 們