【輕熟女】6個令你看起來更年輕的化妝技巧

工蟻 03 Nov, 2017


化妝可以令容貌更精神,但如果用法和手法不正確,分分鐘會變增齡。隨著年紀愈大,化妝嘅方法都需要調整,以下就分享一啲可以減齡嘅化妝小貼士。


謝絕閃粉眼影



閃粉眼影其實係青春少女的專利,因為閃粉容易攝入細紋,令到紋路更明顯。如果已經過了30歲仲成個眼窩都係閃粉,只會令人覺得你想扮年輕,結果弄巧反拙。



有時好多女性都會覺得用金屬系色眼影會型格啲,但其實年紀愈大,眼皮位置都會愈鬆,金屬系色眼影會令雙眼睇落浮腫,而且令人感覺更惡。



所以選色方面要留意,用自然色系就最穩陣,如果想要亮眼效果,可以選擇帶珠光底的cream狀眼影代替。




尋找專屬你的粉底液



就算天生零毛孔,面部皮膚始終都會有缺陷,膚色唔均勻同黑眼圈是最常見的瑕疵,而粉底就係遮蓋呢啲瑕疵的解決方法。



不過,選擇了不適合自己的粉底,可能會更加突顯面上瑕疵:令凸起來的皮膚更突出,毛孔睇落更明顯,所以,沒有找到適合的粉底液,寧願不塗粉底。



如果想顯得皮膚年輕啲,可以選擇折射透光的粉底。




用白色畫下眼線



黑/啡色/深色的下眼線冇錯可以令眼部輪廓更突出,但就會令人感覺更冷酷,感覺隻眼仲框細咗。



相反,白色下眼線可以令到眼白空間增加,雙眼望落更有精神。




修自然粗眉



「你的眉毛細又長呀...」已經out晒嘞!



想睇落更年輕,修一條粗、自然又整齊的眉,會令你更睇落更有活力。




善用胭脂



如果只用粉底,面色會較瘡白和暗啞,只要輕輕掃上胭脂,可以令皮膚望落更有光彩,亦可以造到陰影效果。



不過注意選擇顏色時,避免選取大紅或者啡色,可以選擇近期流行的cream狀胭脂,有由內滲透出來的效果,更加自然。




畫唇線、不要用深色唇膏



別忘記畫唇線!搽唇膏前一定要先用唇線畫出唇形,然後先用唇膏墳色,這樣嘴唇睇落更豐盈。而且畫了唇線,唇膏就冇咁易陷入細紋當中導致妝容褪掉。



而且唇色千萬不要太深色,只要令容貌望落有血色,健康同精神就已經好足夠。


資料及圖片來源:The List
撰文:Elefante

聯 絡 我 們