一入到鋪面就已經見到好多海綿寶寶嘅佈置啦。
每樣食物都好似好正，選擇困難症嘅小編都簡咗好耐呀。
首先嚟嘅係呢款《三兄弟素蝦餃》(49$)
入面隻素蝦爽口到好似真蝦一樣，真係唔講都唔知係用素菜扮成。
再嚟係呢款《奶黃流沙包》(49$兩隻)，流沙效果無論係睇同食都一樣咁自癒呀。
當然流沙嘅款式又點至一款呀，小編仲點咗呢個《蜂蜜奶黃西多士》(59$)。奶黃蛋香蜜糖三合一，真係睇見都己經流哂口水。
西多份量十足，小編表示要兩個人食先食得唒。
當然除咗呢啲大熱點心外，都仲有其他創意十足嘅素菜點心架。
就好似呢兩款《黑松露雜菌蒸包》(49$)同《煎蛋素糯米雞》(49$)除咗賣相吸引之外，食落都係相當有驚喜
蒸包一切開後，黑松露味已經湧哂出嚟，好中意食黑松露但平時又無錢買嘅小編當然唔會放過今次嘅機會，一大啖擺落口，濃郁嘅黑松露加埋雜菌係口中慢慢溶化，簡直就係味覺嘅享受呀。至於《煎蛋素糯米雞》的素肉亦做得相當出色。食落真係同普通糯米雞無分別。
至於飲品方面，小編就簡咗《原個西瓜特飲》(49$)，解渴又好飲。
當然除咗以上幾款外，仲有好多好食嘅選擇啦。今次嘅海棉寶寶系列將推出十款點心、四款甜品、兩款麵飯類及五款飲品。推廣期由2017年11月2日至2017年12月31日。有興趣嘅朋友快啲去試下啦。
撰者：Tony
