【大測試】大陸用語你識幾多?

「小三」、「高富帥」、「小鮮肉」大家成日聽見,其實近年愈嚟愈多大陸「進軍」香港,改變香港文化。而以下呢啲你又識唔識?

 

狗帶
以普通話讀「狗帶」,取其諧音「Go Die」意思。而呢個詞其實源自韓國偶像組EXO前成員黃子韜一段RAP~

Listen My Freestyle
有人罵我,製作謠言,想要我生氣失去自信。呵呵。
Don’t Be Naive.
This is my life. I am fine.
我不會就這樣輕易地go die
Huh? Your life is loser!
So don’t waste your time on making rumor!

黃子韜RAP:
https://www.bilibili.com/video/av2840315/

打醬油
有兩個意思:
「唔關我事」意思,我只係路過咁解。
例句:關我屁事,我打醬油的。

另有「湊數」嘅意思。
例句:「你們玩你們的,我陪你們去打個醬油。」

有指其源起係廣州電視台採訪一位市,問佢對於艷照門好黃好暴力嘅睇法,嗰位市民就講:「關我烏事,我出來買醬油的」。呢句說話就迅速流傳,唔少網民改圖。傳統解釋係買鼓油,因為以前鼓油係散買,要自己拎個樽去士多買鼓油,所以叫「打醬油」。另外,亦引伸指屋企細個大個仔大個女,可以落幫手做家務,「打醬油」,通常用嚟表示自己不再年輕。

麼麼噠
係表示親吻嘅擬聲詞,興起於百度「李毅吧」多用於QQ、微信等,用以表示對一個人嘅喜愛。而最早呢個字係詞典「辭海」係求歡嘅意思,而「麼麼達」則係接受求歡嘅意思。

鴨梨山大
係「壓力山大」嘅諧音,意指壓力大到好似背負一座山咁大。2011年時,仲有以呢個網絡用語做書名嘅搞笑漫畫《鴨梨山大》,以灰諧手法表現一啲社會熱話。

藍瘦香菇
係普通話「難受想哭」嘅諧音。源自2016年,廣西南寧一個失戀男,拍咗條片講失戀心情,佢以廣西鄉音咁喃喃自語話:「藍瘦、香菇」,令摸不著頭腦。經過網民聽真啲,先發現係講緊「難受,想哭」。之後更有大陸企業家走去申請「藍瘦香菇」商標,創立公司。湖南大學食堂仲推出飯餸「藍瘦香菇」,係由西蘭花和菇做成。

漲姿勢
普通話「長知識」嘅諧音,指人增長知識。係出自藍貓淘氣三千問配音演員葛炮的惡搞鬼畜系列嘅片,「我有知識我自豪我有知識我驕傲」。因為子發音問題,“zh”和“z”发音有啲混肴,被網民用諧音表達,就產生咗「漲姿勢」啦。

Our website is protected by DMC Firewall!