喺好多人認知入面，黑色係代表邪惡、恐懼，白色係代表喪事，而紅色就係代表喜事等等。但其實每種顏色喺唔同國家都有唔同意義，所以每種顏色都無絕對意義架。
黑色喺好多國家係代表死亡、不幸或者魔法，但喺非洲同中東國家，係成熟同重生嘅象徵。而藍色通常代表悲傷同男子氣慨，但喺非洲同拉丁美洲，就各自代表神聖、安全同希望。
喺好多西方國家，綠色代表大自然、和平，有好多和平組織或環保組織嘅標誌都用綠色著色，但喺南美綠色則係代表死亡；另外喺墨西哥綠色則代表獨立，墨西哥國旗上嘅綠色都係依個意思。而白色喺西方國家就代表和平同純潔，但喺中國同韓國都係代表住不幸同死亡，而係印度就係悲傷。
雖然喺中國，紅色代表住喜事，但係喺南非紅色代表喪事、哀悼，國旗上嘅紅色都係哀悼獨立戰爭果陣做出犧牲嘅勇士們。
喺法國，黃色代表著忌妒、背叛、虛弱，所以千其唔好送黃色嘅花比法國女朋友～
每種顏色都唔同意義，所以下次去唔同國家都要小心啲呀！
資料來源：silverdoor
圖片來源：silverdoor及互聯網
撰文：Yanica
