靠住氦氣球飛行2個鐘到底會有咩感覺？小編一定會嚇死好想快啲落地面。38歲嘅英國冒險家Tom Morgan今個月20號就憑住100個氦氣球，喺南非天空飛咗2個鐘。
根據英國廣播公司BBC，今次Tom只係用100個氦氣球同一張露營椅，就飛到2400幾公尺嘅高空，飛越超過25公里。
其實Tom本身諗住喺南非中部國家波札那起飛，但經歷咗7次失敗後，佢最後20號喺南非約翰內斯堡北部起飛。Tom用咗足足2日幫氣球充氣，終於第8次起飛成功！
Tom喺訪問中表示，自己仍然覺得難以置信，仲話最困難就係要保護好啲氣球。當佢飄到大氣層中嘅逆溫層，溫度愈嚟愈高，佢亦都上升得愈嚟愈快。呢個時候，佢一定要保持冷靜同慢慢割斷氣球。
經過今次呢個奇妙旅程，Tom話希望將來可以喺非洲舉辦「氦氣球飛行比賽」，如果真係舉行到，小編都好想去現場睇啊！
圖片及資料來源：Viral Thread
撰者: Kinnie
