平時上網時不時都見到啲網友分享自己大個後同屋企人重拍細個嘅相，擺返同一個pose，做返同一個表情，真係既搞笑又溫馨！不過今次呢位網友分享呢張超重口味版卻嚇到唔少網民連隔夜飯都嘔埋出嚟，超爆笑！
美國一位名為Tyler Walker 嘅網友日前喺Facebook 分享咗自己同爸爸重拍嘅童年照，標題寫住「我哋都大個咗啲....(We've both grown up a bit....)」，呢張暗黑版重拍照成功為Tyler 呃咗超過2萬個Like！
童年照中全裸嘅Tyler 同爸爸一齊洗白白，兩爸子笑容都好燦爛，真係好鬼sweet 架啫！不過Tyler 大個後同爸爸再次影返呢張浴照卻變得極重口味，好多網友問「點解唔可以搵張正常啲嘅相嚟影」 (小編都想問......)，又有網友笑言話睇完嘅人要排隊洗眼！
雖然張相係有啲太重口味，不過有個咁玩得嘅爸爸又怕咩影喎，影完大家有得笑！
圖片來源：Facebook @ Tyler Walker
撰文：Amber
