蟻民 Ants Public

泰國網上商店 Mon Hia宜家就賣緊起源於馬來、印尼民間傳說稱為"Pocong"嘅鬼嘅人形攬枕～

創造者係一對情侶，根據佢地描述，喺9月15日一推出時，己經有20個人落order買咗。其中一個創造者Nattawud Supsumruam就話佢地想做一啲特別嘅嘢係前人無做過，佢地理念就係要畀客人驚喜。

咩係Pocong？

根據印尼伊斯蘭信仰，人死後必須包喺白色裹屍布內，而且頭、頸、腳踝要用繩子縛起來足足40日，咁樣靈魂先得到自由。但假若裹屍布提早鬆開咗，例如被人挖出嚟或破壞，死者嘅靈魂會困喺布裏，變成Pocong (包頭殭屍)。由於腳被縛著，所以只能跳，並且露出尚未完全腐化嘅頭，以骷髏頭撞擊生人嘅屋企門口，希望獲得協助。據說Pocong唔會主動攻擊人，但如果佢「睇中」你，佢可以跟你到天涯海角。並且佢只會攻擊阻住佢跟隨你嘅障礙物。

而印尼人相信，如果你夠勇，用雙手去攬住Pocong並將佢鬆綁，咁困係Pocong嘅靈魂先可以釋放，佢地亦會報答你，保証你生活順利。