通常去水族館都喺睇鯊魚、水母、海豚,一啲平時我地唔會見倒嘅活洋生物。有無諗過去水族館喺為咗睇金魚呢?

喺東京嘅Sumida水族館就喺嚟緊嘅6月30日至9月30日將會舉辦一個專喺睇金魚嘅展覽「東京金魚Wonderland 2018」,呼應夏日祭典經常會出現嘅金魚。

" /> 蟻民 Ants Public

【旅遊】東京水族館睇金魚

Oliver Fong 22 Jun, 2018


通常去水族館都喺睇鯊魚、水母、海豚,一啲平時我地唔會見倒嘅活洋生物。有無諗過去水族館喺為咗睇金魚呢?


喺東京嘅Sumida水族館就喺嚟緊嘅6月30日至9月30日將會舉辦一個專喺睇金魚嘅展覽「東京金魚Wonderland 2018」,呼應夏日祭典經常會出現嘅金魚。


未睇真嘅金魚之前,先睇用紙做嘅金魚。館內嘅「金魚提燈隧道」掛滿100個金魚提燈,全長約100米。每一個提燈都喺由金魚嘅發祥地山口縣柳口市嘅職人逐個逐個手制出嚟,放埋一齊已經好壯觀。區內分別放有約20品種嘅金魚超過1000條,可以一路行一路睇氣氛超好。



除咗經常見嘅紅白色金魚,館內仲有展示比較少見嘅金魚種類。「金魚顏色比拼」會放有黃色、茶色、藍色等等,身體有唔同顏色嘅金魚,放喺隔離比大家比較吓有咩分別。



行行吓可能大家都會想飲啲嘢,入面竟然開設咗一個「世界金魚啤酒館」,比大家一路飲啤酒一路睇金魚。呢個區放置咗世界上由4個不同國家地區出身嘅5種金魚,同時售賣相同土地出產嘅啤酒。一個完美配搭令大家參觀嘅時候,都有好似去咗第二個國家嘅氣氛。



如果你唔鍾意就咁飲啤酒嘅話,都有一啲好特別嘅飲品比大家選擇。因應主題特別推出「金魚蘇打~附金魚缸~」,佢喺水果雞尾酒配上不同草莓製作出嚟嘅帶甜飲品。最特別嘅喺個金魚缸竟然喺可以帶走,如果睇完展覽又想喺屋企養幾條金魚就啱用啦!



另外,亦有配合金魚嘅紅色顏色印象嘅紅苺口味嘅雪糕,喺夏天食就更加喺一流。



相信喺香港除咗金魚街之外,就無一個可以同時睇倒咁多金魚嘅地方,如果想去就要把握機會啦。


【詳情】


「東京金魚Wonderland2018」
舉行日期:2018年6月30日~9月30日
會場:Sumida水族館(東京都墨田區押上1丁目1番2號)
入場費:
大人 2,050円
高校生 1,500円
中・小学生 1,000円
幼兒(3歳以上) 600円

聯 絡 我 們