六本木史奴比博物館閉館唔洗傷心 2019年町田市重開

六本本館外觀.jpg

收藏人氣角色史奴比登場嘅漫畫作品「PEANUTS」主題博物館「史奴比博物館」,東京六本木館將會喺2018年9月24日閉館。

但喺因為閉館而傷心嘅PEANUTS粉絲都唔洗驚,因為官方都已經宣布埋2019年秋天博物館會轉移至東京町田市嘅南町田GRANDBERRY PARK。

轉移公告.JPG

六本木嘅史奴比博物館其實喺作者喺美國加州「Charles M. Schulz Museum」嘅世界上第一間衛星館,所以經歷2年半嘅時光嘅「期間限定」唔少人都覺得好可惜。

本館.jpg

本館2.jpg

本館3.jpg

據營運史奴比博物館嘅事務局講,臨近閉館嘅時期就有唔少希望佢地繼續做落去嘅聲音。博物館由開業以嚟就人氣爆燈,參觀嘅客人一直都有維持住。所以事務局都有諗過唔止期間限定,會喺第二個地方可以繼續營運。

本館「Charles M. Schulz Museum」所在嘅地方外圍都綠草如茵,所以候選嘅地點都想同本館有相似氣氛,結果就搵咗町田市重新開發緊嘅南町田GRANDBERRY PARK。據負責開發嘅東急電鐵,今次嘅轉移史奴比博物館將會比宜家大2倍。同時公園面向充滿綠色嘅環境,可以活用喺戶外活動。而博物館方面都認為有綠色地帶加上廣闊嘅場地,可以將史奴比嘅魅力充分體會。

新館周邊設計圖.jpg

即使由閉館至重新開館都有一年之隔,但喺粉絲知道會重開嘅消息之後都好開心。唔少人都表示好期待,到新開館之後絕對會再去參觀。

撰文:Oliver Fong

DMC Firewall is a Joomla Security extension!