買讚相信大家就聽得多，有某啲注名嘅國家更加開設工場，將開假帳號、按讚、洗觀看數成為職業，專門收錢幫人整到條數靚靚仔仔。即使只係一個小小嘅數字影響都可以好大，twitter就再忍唔倒呢啲「假帳號」嘅存在大刀闊斧一晚刪晒佢地。
今個月嘅11日，twitter將大量「假帳號」刪除。以奧巴馬為例，係超過1億嘅跟隨者入面，一晚就無咗240萬人。為咗向社會展示自己有好大嘅影響力，買跟隨者數量成為唔少名人嘅一個選擇。你或者會有個疑問，點定義邊個係「假帳號」呢？twitter本身就容許一個人開複數嘅帳號，但當中係有唔少帳號係開咗之後完全無使用過。twitter就利用好耐無更新過呢個特點，喺無通知帳號持有人嘅情況下，就將「假帳號」刪除。
由英國BBC嘅報導就指出，世界上所有使用者平均每個人就少咗4個人跟隨者。CNN嘅報導就指出Katy Perry少咗約280萬入；Justin Bieber少咗約270萬人； 開設微軟嘅Bill Gates就少咗90萬人。有唔少名人都係呢次刪帳號嘅行動之中受到重創，唔知Facebook又會唔會跟隨twitter嘅做法順便將唔少幽靈帳號送埋入墳墓呢？
撰文：Oliver Fong
