每個人都總有一樣好中意食嘅野，但如果比你日日食你又制唔制呢？嚟自喺美國威斯康辛州嘅Don Gorske，由1972年5月起，每日都會食兩個巨無霸BigMac。到而家，64歲嘅佢即將食佢人生第3萬個BigMac。
Don表示，由細到大BigMac都係佢嘅至愛，為咗表示佢對BigMac嘅忠誠，所以佢決定每日食兩個，仲承諾會食到死果日為至。佢話曾經試過因為大雪、麥當勞唔開同埋工作旅遊等因素，而令到佢有8日無食到。為咗防止事件重演，佢仲自研咗一個冰凍BigMac嘅方法，咁就一定日日都有得食～
唔好以為Don身體一定好差，佢嘅身體狀況仍然健康，佢話巨無霸佔咗佢一日飲食嘅9成，所以佢會成日運動維持。而且佢仲有個護士老婆，佢地約定好喺健康狀況允許嘅情況下先會咁樣食法。
Don上年喺官員見證下，食咗第2萬8788個BigMac，成為健力士世界紀錄保持者。而喺5月4號，佢將會食佢人生第3萬個BigMac。
圖片來源：THE SUN
撰文：Yanica
