近日日本有一部出現喺路邊嘅自動售賣機引起大家注意,佢唔喺賣汽水、薯片咁簡單,而喺賣熱辣辣嘅Pizza。

" /> 蟻民 Ants Public

【蟻民搵食】日本貨車司機引入 Pizza自動售賣機

Oliver Fong 27 Aug, 2018


近日日本有一部出現喺路邊嘅自動售賣機引起大家注意,佢唔喺賣汽水、薯片咁簡單,而喺賣熱辣辣嘅Pizza。


TSUTAYA楠木店外的PIZZA自動售賣機


而呢個構思竟然喺由一個貨車司機諗出嚟,一聽好似無乜關係咁,但其實聽完8年前仲喺作為物流公司司機嘅谷口先生嘅故事就知點解會有咁嘅想法。當時佢需要每日由朝早5點開始工作,直至第二日嘅凌晨1點先放工。不時會有想食Pizza嘅想法,但喺太夜無可能會有人整好送過嚟。谷口先生就諗如果可以有24小時都食得到嘅Pizza就好喇。之後偶然喺網上見到喺意大利Pizza自動售賣機「Let’s Pizza」嘅影片,立即就被只要入錢等幾分鐘就有整好嘅Pizza出嚟所衝擊。


佢竟然大膽自己一個人直接用英文寄電郵過去意大利公司,想邀請人哋一齊合作。可惜經營「Let’s Pizza」嘅公司破產,谷口先生只好立即轉而同自動售賣機生產機聯絡。經過研究發現原來「Let’s Pizza」嘅失敗在於味道,佢哋喺用咗唔會發酵嘅麵粉。雖然喺方便,但喺味道真喺麻麻。谷口先生唯有要再搵埋喺威尼斯嘅Pizza生產商,喺搵咗十間左右之後終於遇到好好嘅生產商合作。


PIZZA自動售賣機內部


當好多嘢終於都好順利解決嘅時候,又要處理日文介面。再加上要同政府申請營業許可,由於佢喺第一位引入日本嘅人,所以又等咗幾年時期。由開發到可以售賣就用咗八年時間,中間谷口先生又做過打工仔儲錢開發,到最後終於自己成立公司。回想返谷口先生只喺想可以夜晚都食到Pizza,竟然自己變咗賣Pizza果個。


宜家谷口先生都唔輕鬆,第一部機就設置咗係TSUTAYA楠木店外。一日之內就先補充幾次材料,有時都未時趕得切。佢期望喺3年之內就可以喺日本設置100部機,24小時365日為大家提供好食嘅Pizza。


撰文:Oliver Fong

聯 絡 我 們