喺PlayStation4收取到特定訊息嘅一刻，造成PS4本體壞機以及帳號不能夠再使用嘅Bug出現咗。海外社群Reddit嘅投稿指出，只需要”收取”含有特殊文字嘅PSN訊息，就會令到PS4陷入無法再運作嘅狀況。即喺就算唔打開個訊息嚟睇，”收取” 嘅一刻就已經令PS4玩完。而呢個咁惡劣嘅情況除咗海外發生之外，仲已經係亞洲出現。
雖然有用電話APP刪除訊息就可以解決問題嘅報告，但同時亦都有用呢個方法都解決唔到問題嘅報告。壞機嘅症狀有PS4會突然輕機、連續重新開機等等不自然嘅舉動不斷重覆，結果而言連機嘅帳號亦都會變咗唔未夠再使用。
夠能令PS4壞機嘅訊息喺由惡意用戶大量發出，佢並無添加任何附件，只喺由單純嘅字元組成。特定嘅字元出現就令一個系統出現問題，過去喺iPhone、Mac、Apple Watch亦都有類似嘅事例發生。由印度為中心嘅泰盧固文字喺iPhone表示就會出現問題成為為一時熱話，隨後經過調查發現仲有幾種文字都會引起問題，相信今次PS4事件都有可能有關連。
未受害嘅朋友可以將自己收取訊息嘅權限設定去「朋友」（或申請朋友）就回避到問題。而中招朋友可以試吓PS4斷電，之後長按電源直至響兩吓，喺出現嘅選單度選擇 Rebuild Database。
撰文：Oliver Fong
