「齊木楠雄的災難」完結編制作決定 海報脫去制御裝置加眼鏡

人氣動漫作品「齊木楠雄的災難」宣布會制作完結編,今日推出宣傳海報。

75321_1487_3d410d41d979e93e9edff45de97e0121.jpg

今次的宣傳海報就咁單純放咗故事嘅主角齊木楠雄喺正中間,但唔同嘅喺佢無咗戴喺頭上面嘅控制超能力制御裝置,同埋可以用嚟防止「直接用眼望到嘅嘢就會石化」嘅綠色眼鏡。左下角寫住「終於要完結嗎…」嘅對白,加上背後大大隻字寫住「最終話」,講到明下一季嘅「齊木楠雄的災難」新作動畫就已經喺最後一季。

關於完結編嘅更多情報就要等到2018年10月,喺週刊少年JUMP公布。而同時間「齊木楠雄的災難」第二季動畫嘅特別活動就會喺2018年12月1日舉行,大部分劇中嘅聲優都會參與活動。而要參加活動就要購買動畫BD&DVD嘅第2、3卷,用碟入面嘅申請卷就有機會得入活動嘅入場卷。話唔定喺呢個活動入面,都會有一啲驚喜比到支持者。可能會有優先知道下一季動畫嘅預告片,所以鍾意「齊木楠雄的災難」嘅朋友真喺唔好錯過。

「齊木楠雄的災難」由麻生周一所著,2016年7至12月開始第一季嘅電視動畫化;2018年1至6月開始第二季嘅電視動畫化。故事講述一出世就擁有強大超能力但喺又唔想惹人注目嘅高中生齊木楠雄,喺學校比一班奇奇怪怪嘅同學卷入各種麻煩事。用搞笑幽默形式利用超能力去解決問題,一部輕鬆嘅作品。

撰文:Oliver Fong

DMC Firewall is developed by Dean Marshall Consultancy Ltd