正所謂「FASHION嘅嘢你識條鐵咩？！」係架！今時今日嘅fashion 已經發展到常人已經難以理解嘅地步，咁到底企喺潮流尖端嘅潮人係著咩架呢？
1. 「出於污泥而不染」套裝
呢件係菇？係薯仔？小編無能，呢件2017年秋冬倫敦時裝週出現嘅作品真係特別到唔識形容。不過都要讚一讚下位model，冇仆親都幾叻仔喎。
2. 男人都可以有仙氣系列
仙氣啊！FASHION無分性別，上圖兩位超骨感男model 完美演繹出透視裝及吊帶襪！(p.s. 內八字腳更突顯出柔弱感。)
3. 想點著都得
出自品牌Hood by Air 嘅作品。邊邊前，邊邊後？媽，我好亂啊！
4. 水果模特兒?
呢個係一個介紹水果嘅活動？少年，你太年輕了！高檔時裝鞋牌Charlotte Olympia 喺2017年春季倫敦時裝週上，model著到咁去sell佢哋腳上嘅靚鞋。Ok，YOU WIN！
5. 漏M裙
呢條Pencil Skirt 可以完美展現「理想與現實」。官網介紹無論返工定出席重要活動，呢條白色配紫花嘅Pencil Skirt 都適合。可惜著到上身，好多外國網友都話點解...點解咁似漏M嘅......
6. 保護膝頭爛牛仔褲
流行單品中，爛牛仔褲必定榜上有名。呢一條你又點睇？就算爛，都要好好保護膝頭哥。就算爛，都要爛得型過你！
7. 多用途手袖一
來自美國嘅設計師 Rick Owen 過去設計過好多相當「特別」嘅作品。而喺今年嘅巴黎時裝週，Owen 帶嚟呢個由手袖做嘅頭飾，成隻免仔咁，真係好得意啊。:o
Rick Owen過去作品如下：
8. 多用途手袖二
講到手袖，Balenciaga 都算玩得出神入化。今季Balenciaga 推出呢條兩件衫二合為一嘅長裙。小編而家先知原來手袖係裝飾嚟架......
介紹完後，小編呢啲潮流門外漢表示都係著返u記算......
圖片來源 : Nordstorm, theguardian, huffingtonpost, Internet
撰文 : Amber
