CHOCOOLATE成日都會同唔同嘅卡通人物或者動漫搞Collaboration，之前就有Sailor moon、Sanrio同Minions等等。嚟緊又會有新搞作，就係男女老幼都咁中意嘅櫻桃小丸子啦！
今次產品以粉紅色、灰色、墨綠同紅色為主調，再加上CHOCOOLATE常用嘅黑白配色。系列有多款男女童裝嘅hoodies同T-shirt等，圖案都係卡通中成日出現嘅角色，包括主角「小丸子」同佢屋企人、同學「小玉」、「野口」、「花輪」、「丸尾」同「永澤」。
「小丸子」黃色漁夫帽配紅色方形書包嘅番學造型一直深入民心，今個系列最特別嘅係，連小丸子番學戴果頂黃色漁夫帽同埋紅色方形書包都有得賣，實用性就唔高，不過係fans就點都要買嚟收藏啦～
想實用性高啲嘅，可以買「野口」同學波點印花水樽連水樽套套裝或者波點印花污衣籃。
顧客凡於:CHOCOOLATE專門店購買兩件或以上指定:CHOCOOLATE單品滿淨價$800（必需包括一件:CHOCOOLATE × 櫻桃小丸子聯乘系列產品），即可免費獲贈:CHOCOOLATE × 櫻桃小丸子兩用咕?/連帽頸枕乙個。數量有限，送完即止。
今次聯乘系列9月22號喺各大分店有售，fans記得唔好錯過！
資料來源：http://www.chocoolate.hk/index.php
撰文：Yanica
