【蟻民搵食】日本7-11啤酒自由斟中止售賣

Oliver Fong 27 Aug, 2018


旅遊日本7 11啤酒自由斟中止


原本今日係日本好多人期待嘅一日,7-11嘅一部分店鋪會試驗售賣啤酒自由斟!呢個消息一出嚟早已經佔據各大社交平台,但係喺未開始之前7-11竟然緊急煞停。


相信香港所有人都有飲過汽水自由斟,原理好簡單。同店員買一個杯,之後自己去汽水機噤想要嘅汽水出嚟。而今次日本嘅啤酒自由斟原理一樣,都係買一個唔同大細嘅杯,之後係部機噤啤酒出嚟。sub buzz 351 1531563638 1


可能有人會唔明,汽水隻隻唔同味先想用自由斟自己溝隻味出嚟姐,啤酒得一隻味點解都要自由斟嘅?的確便利店都有一模一樣嘅罐裝啤酒賣,但係有飲開啤酒嘅都知唔同容器裝嘅啤酒都已經有分別。容器壓力、氣泡比例、保鮮期都對飲落去嘅口感有影響。所以有時去酒吧都未必剩係飲個氣氛,同一個牌子由啤酒機整出嚟嘅啤酒都會好飲啲!sub buzz 6346 1531563629 1


而今次中止售賣嘅原因唔係因為負面原因,而係因為怕太受歡迎。當需求好大既時候,7-11方面擔心品質會保證唔到。基於日本對品質方面一向有好高嘅要求,今次直頭唔係「延期」,反而係未開始賣就直接「中止」成個計劃。


其實係泰國嘅7-11都有試驗過相同嘅計劃,但係有當地團體大力反對,話會引起醉酒駕駛、未成年飲酒等等問題,所以最後都係中止咗。今次係日本雖然無呢啲問題,但係都中止就真係特別可惜啦!


撰文:Oliver Fong

聯 絡 我 們