張繼聰同謝安琪既第二個愛情結晶品就快出世喇，兩公婆都忙住準備地方迎接佢地既新成員。執野同時自然會搵返好多珍藏出黎，今次張生就搵左成套當年風靡萬千少男少女，代表熱血同青春既《男兒當入樽》出黎。
點知張太竟然話呢一套係佢買既，仲話反正張生唔睇乾脆送比人咁話。張生點回應大家不妨睇下原文喇，真係好搞笑！
此post一出，張太就殺到喇！留言話當年自己細本版同大本版都有一套，放床邊陪佢好多年，仲叫張生唔好見到入樽就以為係屬於佢咁話呀～
張太之後仲再留言同書友仔交流，話記得當年細本版停左，又話白鳥麗子係搞笑派唔係少女漫畫之類，好似真係好熟漫畫咁喎！
結果令到唔少網友都話今次信張太，仲話張生要訓廳喇～
呢個post亦都令到一眾網友show下自己既《男兒當入樽》珍藏，除左成套漫畫之外，仲有其他週邊產品添！
小編認為雖然兩公婆成日互相頂撞下，但係大家都感受到佢地只係耍下花槍好恩愛啊～
圖片來源: 張繼聰Louis Cheung @Facebook
撰文: Msrachel
