補習對香港學生黎講好似係一樣必需品，有需求就自然有供應，各個補習名師就係咁應運而生喇。但因為競爭非常大，所以佢地都會各出奇謀去吸引學生上堂。當中緊係唔少得賣野必備既買家正評啦！有正評人地先有信心架嘛～
11號當晚，英文科名師P. Chan既學生最近send左個鼓勵message比佢，話佢係一個「Enlightening teacher」。作為老師睇到當然好高興啦，就同各位網民開心share喇！
點知有網民立即發現佢個message係綠底架喎，結果比大批網民湧入恥笑呀陰公！（註:收到既message係白底的，自己寄出去既先會係綠底）
網民群情實在太洶湧，於是P. Chan喺13號既凌晨就再出post喇！今次話係因為想個訊息精簡啲，唔想曝光學生的私人SBA問題，所以先會由自己再寄出去，所以係綠底無誤～
仲鬧班網民係打手要抹黑佢咁話，所以就貼埋原本果個message黎以正視聽喇。
你以為咁樣就告一段落？錯喇，件事仲未完架。因為又再有網民發現佢幅圖顯示既時間唔岩喎，佢地話個message係11號或者12號既18:28發出，但係點解11號既14:08就CAP到未來既message呢？
結果又再引黎一批網民恥笑，仲有網上熱門fanpage整圖黎解釋件事，笑佢攞硬下屆諾貝爾物理學獎呀！
有留言仲懷疑佢精神分裂～
對於第二個質疑，暫時P. Chan就仲未有回應喇～不過小編認為，宣傳工作真係要做得小心啲先得喇～
圖片來源: Patrick Chan、唐生大地震@Facebook
撰文: Msrachel
