大家成日都會話「藝術嘅嘢，我識條鐵咩」，但係呢對以色列兄弟就要打破大家嘅諗法，畫出大家都有共鳴嘅作品！今次，大家用下聯想力，再配合下個人生活體驗，相信你會喺呢啲插畫入面搵到令你深思嘅地方。
有無發覺有時候同另一半講嘢，就好似同緊另一個星球嘅人講嘢咁，明明九唔搭八，但係又要做出「係係係，我聽緊」咁嘅反應，其實有時都真係會幾攰。
盲婚啞嫁喺香港已經絕跡，但係喺其他地方仍然存在。除咗要嫁比個唔識嘅人之餘，仲係小小年紀就要結婚生仔，照顧奶奶，對現今發達社會嚟講絕對係悲劇，但係...又有幾多個小妹妹可以拒絕屈服呢？
當你結婚生仔，你嘅世界就圍住小朋友而轉，糖果玩具都會長期包圍住你，你嘅私人生活？Byebye！
自從有咗Google 之後，好多知識都唔再需要揭開本書去搵。到底喺科技方便咗我哋嘅時候，我哋嘅文化又有無倒退呢？
九七年之後，你身邊總會有人移咗民，地點通常都係加拿大。點解？可能因為果邊福利好空氣好，但係事實上加拿大嘅人口都面臨緊老化嘅問題，過去養老就好，但係生活同發展就相對無咁好喇。
而家幾乎每人都有Facebook，但係你覺唔唔覺得自己成日都會好在意自己嘅嘢有幾多個Like？
呢幅圖話比你知咩叫呢個世界係唔公平嘅，當一個小朋友好開心玩緊一份新玩具嘅時候，喺未發展國家係由一班小朋友負責組裝呢份玩具賺錢。
好多時候年青人反叛，甚至染上食煙飲酒吸毒等等嘅壞習慣，好大原因都係因為佢哋嘅父母只係掛住出去返工賺錢，而唔係陪伴小朋友嘅成長。
呢幾幅插畫真係好反映緊現實，而小編亦都相信呢個世界喺短時間內都仍然唔會有咩大變化。大家要一齊努力，先可以將世界變得更美好！
圖片來源：asafhanuka.com
撰文：Msrachel
