後生仔呀，如果你有一首代表你嘅歌，小編真係恭喜你呀，證明你唔係一條咸魚！
小編嘅代表歌係Supper Moment 嘅《幸福之歌》，令人充滿回憶。好多人同大家一樣，都係要努力，亦會發夢，而努力嘅過程中路都唔係平坦！所以如果你感覺你自己迷茫之如，亦都好懷念以前，唔係你嘅問題，而係好多人都同你一齊係咁架！等小編同大家重溫下某部分歌詞啦！
建議聽住首歌，再睇下面文字：
| {youtube}7TefwmjpAqo{/youtube} |
1.「唱著幸福之歌，眼淚有否沉沒，無數次失望的眼神與落魄」
說得對！流得馬尿唔係因為你無用，而係因為你敢去承認你自己嘅軟弱。我哋人人都會有失望嘅時候架啦，但當自己盡咗力，其他嘅嘢咪交俾個天去處理囉，話唔定你唔預期嘅嘢會帶你去到一個更遠嘅地方呢！
2.「一生中幾多過客探訪，幾多數不清瘋癲錯過，世界每秒轉動沒法勸阻」
一分一秒真係好快過！尤其喺香港，日日都會見到好多人，而你都可能會遇見幾個你愛或者愛你嘅人，有啲人可能你好珍惜，亦都有啲人你根本就無心裝載(哭)！無論點樣，都唔緊要嘅，佢地都係你生命嘅過客，而佢地嘅存在都可以造就咗今日嘅你！
3.「從頭學過可以麼，你可以麼？ 開始這試煉堂課，解開心頭的枷鎖，路更廣」
做咗十幾廿年人，點都會撞下板，甚至會好想將所有嘢都重頭嚟過！但其實最需要學嘅唔係話要咩專業，所以令你有更好嘅將來。又話者你點樣對一個男朋友或女朋友可以令到某件事唔會發生！而係點樣將自己心裡面嘅一啲掙扎都可以釋放出嚟，搵信任嘅人多啲傾講絕對可以幫你認清自己嘅想法，俾啲勇氣出嚟！！！
4.「隨緣遇到總更多結會結的果，焦急裡尋覓，只會愈錯，奢求曾令你錯種需要的果」
分手愈多，愈唔知自己想要嘅人係點，而越急去揾個啱嘅話，小編no eye see！年青人，就算黃金拍拖時間係20歲至30歲，都唔代表而加揾唔到就一世揾唔到個啱。要忍耐，亦都寧缺勿濫。
5.「感動總不遠，也許下一秒盛放，想像於不遠某位能跟你和唱」
你而加可能要遠遠望住你嘅女神或者男神，你亦都可能覺得無可能同到佢一齊！但話唔定你做好自己之後，你變得更吸引，下一秒鐘就同到佢一齊睇星星，睇日落，so nice！(如果想知邊度有靚日落睇，可以睇返【力場無限好系列】我的心只屬於你~)
係咪睇完覺得呢首歌真係好勵志呢？小編一聽呢首歌就好多感觸，借張紙巾嚟呀，唔該！
圖片來源：網上
撰文：Gloria Leung
